老嘢時速

攞咗長者咭，人生就再冇希望？《老嘢時速》(Thelma) 話你知，高齡93依然可以活得⋯異常咁精彩！向來精叻嘅花媽婆婆，一日收到詐騙電話：為救乖孫先付一萬美元。俾咗「贖金」後方知被搵笨，越諗越唔忿氣，決定親自出馬追數追到天腳底，深入虎穴過程又驚又喜，仲有無限窩心時刻。故事根據編導Josh Margolin祖母真實經歷改編，絕對原汁原味，拍成呢個暑假最與眾不同嘅「動作」喜劇。 《老嘢時速》不但笑爆辛丹斯電影節全體觀眾，爛蕃茄網更長期高達99%，影評通通 super like！資深綠葉王茱.施潔比 (June Squibb) 跟角色年齡一樣，拍戲超逾70多年終於首次擔正，不少走動場面堅持親身上陣！七、八十年代瘋魔全球嘅鐵漢偶像李察.朗次 (Richard Roundtree) 都有份參演，亦成為佢臨終前大銀幕遺作。