邊個出差咁黑仔？

賤精腦細易拎（查莉絲花朗 飾）同陸七（祖艾格頓 飾）為咗賣盤，老點下屬哈奴（大衛奧伊羅奧 飾）齊齊出差去墨西哥，叫停公司同毒梟之間嘅交易。戇直嘅哈奴到埗後先發現事有蹺蹊，但不負責任嘅腦細已經走為上著，只留低爛攤子。於是，唔知真癡定假傻，哈奴把心一橫假扮俾人綁架，諗住乘機鑿返一筆，點知黑仔到一個點……綁架竟然弄假成真！為咗份工，連命仔都不保，哈奴仲有冇機會逆轉頹局，成為人生勝利組？