ദൽദൽ

മുംബൈ ക്രൈം ബ്രാഞ്ചിലെ ഏറ്റവും പ്രായം കുറഞ്ഞ ഡിസിപിയായി സ്ഥാനക്കയറ്റം ലഭിച്ച റീറ്റ ഫെറേര, ജോലിസ്ഥലത്തെ പുരുഷമേധാവിത്വത്തോടും, താൻ ഈ പദവിക്ക് അർഹയല്ലെന്ന ചിന്തയോടും, വീണ്ടും പിടിമുറുക്കുന്ന ലഹരിയോടുള്ള ആസക്തിയോടും പൊരുതുകയാണ്. ഇതിനിടയിൽ, സ്വന്തം ജീവിതത്തെ തന്നെ ബാധിക്കുന്ന ഒരു കൊലപാതക അന്വേഷണത്തിലേക്ക് അവൾ വലിച്ചിഴയ്ക്കപ്പെടുന്നു.

തൻ്റെ രഹസ്യം വിജയകരമായി മറച്ചുവെച്ചുകൊണ്ട് റീറ്റ കേസിൽ നിർണ്ണായകമായ പുരോഗതി നേടുന്നു. അവഗണിക്കാനാവാത്ത വിധം സാമ്യമുള്ള, ഒരേ ശ്രേണിയിലുള്ള അസ്വസ്ഥകരമായ ഒരു കൊലപാതക പരമ്പര അവൾ കണ്ടെത്തുന്നു.

ആദിത്യയുമായുള്ള ബന്ധം തകർന്നടിഞ്ഞ റീറ്റ, സമാനമായ രീതിയിലുള്ള മറ്റൊരു കൊലപാതകം കൂടി കണ്ടെത്തുന്നതോടെ അന്വേഷണത്തിലേക്ക് കൂടുതൽ ആഴത്തിൽ ആണ്ടുപോവുന്നു. ഇതിനിടയിൽ ശക്തമായ കുറ്റബോധം അവളുടെ കടമയും മനസ്സാക്ഷിയും തമ്മിലുള്ള അതിർവരമ്പുകൾ മായ്ച്ചുതുടങ്ങുന്നു.

ഒരാഴ്ചയ്ക്കുള്ളിൽ നടന്ന രണ്ട് കൊലപാതകങ്ങളിൽ നഗരം വിറങ്ങലിച്ചു നിൽക്കെ, വിക്രം ഒരു കുറ്റാരോപിതനെ കൂടുതൽ സംശയിക്കുന്നു. പക്ഷേ അയാളുടെ വാക്കു കേൾക്കാൻ വിസമ്മതിക്കുന്ന റീറ്റ, സ്വന്തം അന്വേഷണം ഊർജ്ജിതമാക്കുന്നതോടെ ആ കേസ് സമയത്തിനെതിരേയുള്ള ഒരു പോരാട്ടമായി മാറുന്നു.

കേസ് വേഗത്തിൽ അവസാനിപ്പിക്കാനുള്ള തിടുക്കത്തിൽ വിക്രമിൻ്റെ വാദങ്ങളെ പിന്തുണച്ച ദേശ്‌പാണ്ഡേ പെട്ടെന്നൊരു നടപടി എടുക്കാൻ അയാളെ അനുവദിക്കുന്നു. റീറ്റയുടെ ചോദനകൾ അവളെ ഞെട്ടിക്കുന്ന പുതിയ തെളിവുകളിലേക്ക് നയിക്കുന്നെങ്കിലു, അവൾ തഴയപ്പെടുകയും കേസിന്മേലുള്ള അവളുടെ നിയന്ത്രണം നഷ്ടമാവുകയും ചെയ്യുന്നു.

മറ്റൊരു കൊലപാതകം കൂടി പുറത്തുവരുന്നതോടെ വകുപ്പ് അപമാനിതരാകുന്നു. ദേശ്‌പാണ്ഡേ റീറ്റയെ വീണ്ടും ആശ്രയിക്കും മുൻപേ, അവളുടെ ലഹരിയോടുള്ള ആസക്തി എല്ലാവരും അറിയുന്നു, ഇതോടെ റീറ്റ സസ്‌പെൻഷൻ്റെ വക്കിലെത്തുന്നു.