கில்டி மைண்ட்ஸ்

பிரபல திரைப்பட தயாரிப்பாளர் தன்னை பாலியல் பலாத்காரம் செய்ததாக நடிகை மாலாகுமாரி குற்றம் சாட்டியுள்ளார். அதை தொடர்ந்து நடந்த நீதிமன்ற விசாரணையில சம்மந்தப்பட்ட எல்லாருமே குற்றவாளிகள்தான் என்று தெரியவருது. கஷாஃப் மாலாகுமாரிக்கு நீதி கிடைக்க முயற்சி செய்கிறார். தீபக் தேவிந்துவிற்க்கு சாதகமாக இருக்கிறார்.

19 வயசு இஞ்சினியரிங் ஸ்டூடென்ட் ஒரு டாக்ஸி ட்ரைவரை கொடூரமாக கொல்கிறான். இது வெளிப்படையாக கொலை என்று தெரிந்தாலும் கஷஃப் இதன் பின் இருக்கின்ற காரணம் என்ன என்று தெரிந்துகொள்ள முயற்சி செய்கிறார். எல்என் கண்ணாவின் பேத்தியான ஷுபாங்கி கண்ணா, அவரின் அண்ணன் ஷுப்ரத் கண்ணாவின் எதிர்ப்பையும் மீறி தீபக் ரானாவோட அணியில் போய் சேருகிறார். நீதிபதி காஸேயின் நேர்மையை பதம் பார்ப்பது போல் ஒரு எஸ்எம்எஸ் வைரல் ஆகின்றது.

மகாராஷ்டிராவின் ஒரு கிராமத்தில் வறட்சி ஏற்படுத்தும் ஒரு கோலா நிறுவனத்திற்கு சாதகமா தீபக்கும், கிராமத்து ஆட்களின் தரப்பில் கஷஃபும் வந்தனாவும் வாதாடுகிறார்கள். திஜேந்தர் பல்லாவோட வற்புறுத்தலால் ஜஸ்டிஸ் காஸேக்கு எதிராக ஏதாவது கிடைக்குமா என்று தீபக் ஒரு டிடெக்டிவிடம் பேசுகிறார். தீபக்கும் ஷுபாங்கியும் காதல் வயப்படுகிறார்கள். ஷுப்ரத் தீபக்கிற்க்கு கே.கே.ஏவில் கெட்ட பெயரை ஏற்படுத்த முயற்சிக்கிறான்.

ஒரு பெண்ணை நடத்தை சரியில்லை என்றும், தவறானவள் என்றும் சொல்லி, ஒரு நிறுவனத்தில் இருந்து வேலையை விட்டு நீக்கி விடுகிறார்கள். அந்த பெண் தன் வழக்கை கஷஃப்பையும் வந்தனாவையும் வாதாட சொல்லி கேட்கிறாள். ஷுப்ரத் கண்ணாவின் காதலி ரியாசிங், காஸேவுக்கு எதிரான அந்த ஆதாரத்தை வெளியிட்டு விடுகிறார். இதனால் ஷுப்ரத்துக்கும் தீபக்குக்கும் இருக்கின்ற மோதல் அதிகரிக்கின்றது. கே.கே.ஏவில் சூழ்நிலை மோசமாக தொடங்குகின்றது.

பல பாடல்களில் இருந்து ஒரு பகுதியை எடுத்து ஒரு புது பாடலை உருவாக்கும் சாஃப்ட்வேரை கண்டுபிடித்தவர் மேல் இசையமைப்பாளர்கள் சேர்ந்து வழக்கு போடுகிறார்கள். தன் அப்பா நிரபராதி என்று நிரூபிக்க கஷஃப் ஒரு ரிப்போர்டர்ஸ் சந்திப்பை ஏற்பாடு செய்கிறார். தீபக் கஷஃப்பை சமாதானப்படுத்த முயற்சி செய்கிறார். அபிஜித் அதை கவனிக்கின்றார். ரியாவும் ஷுப்ரத்தும் சேர்ந்து தீபக்குக்கு எதிராக அடுத்த காயை நகர்த்துகிறார்கள்.

தீபக் ஷுபாங்கிக்கு அவர் முதல் தனிப்பட்ட கேஸை கொடுக்கின்றார். ட்ரைவர் இல்லாத ஒரு ஆட்டோமேடிக் காரினால் ஆன விபத்துக்கான வழக்கு. அபிஜித் ஷுப்ரத்திடம் தீபக்கை பற்றி விஷத்தை கக்குகிறான். கஷஃப் சின்ன வயதில் நடந்த ஒரு சம்பவத்தை பற்றி அவரின் அம்மாவிடம் வருத்தத்தோடு கேட்கிறார். ரியா பல்லாவை பற்றி விசாரிக்க ஹிமாசல்லிற்க்கு போகிறார். ஷுபாங்கி தீபக்கும் கஷஃப்பும் சேர்ந்திருப்பதை பார்த்து வருத்தப்படுகிறார்.