മുംബൈ ഡയറീസ്

ദിയയും സുജാതയും അഹാനും ബോംബെ ജനറൽ ആശുപത്രിയിൽ റെസിഡന്റുമാരായി എത്തുന്നു. അവരുടെ മെന്റർ ഡോ. കൗശിക് മറ്റൊരു ആശുപത്രിയിലേക്ക് മാറുന്നു. അനന്യയുമായുള്ള ദാമ്പത്യബന്ധം സംരക്ഷിക്കാനാണത്. അവർ ആശുപത്രിയിൽ ഇതു ചർച്ച ചെയ്യവേ, പത്ത് ചെറുപ്പക്കാർ മുംബൈ നഗരത്തിൽ ഭീകരാന്തരീക്ഷം സൃഷ്ടിക്കുന്നു. നിരവധി മൃതദേഹങ്ങൾ വരാൻ തുടങ്ങിയതോടെ, വരാനിരിക്കുന്ന ദുരന്തത്തിന്റെ വ്യാപ്തിയ്ക്കു റെസിഡന്റ്സ് സാക്ഷ്യം വഹിക്കുന്നു.

നഗരത്തിലെ സ്ഥിതി വഷളായതോടെ, ഏവരേയും പോലെ കൗശികും ദിയയും പ്രിയപ്പെട്ടവരുടെ സുരക്ഷയെപ്പറ്റി ആശങ്കപ്പെടുന്നു. കൗശികിന്റെ ഭാര്യ അനന്യയ്ക്കു പാലസ് ഹോട്ടലിലാണു ജോലി. അന്നവിടെ ദിയയുടെ അച്ഛനു വേണ്ടി ഒരു പരിപാടി നടത്തപ്പെടുന്നു. അഹാൻ സമ്മർദ്ദം നിറഞ്ഞ ഒരു സാഹചര്യം നേരിടാൻ പാടുപെടുകയാണ്. ഏറെ നാളായി രോഗിയായ പരംജീത്തിനെക്കുറിച്ച് സോഷ്യൽ സർവീസ് ഡയറക്ടർ ചിത്ര ആശങ്കപ്പെടുന്നു.

വാർത്ത റിപ്പോർട്ട് ചെയ്തതിനു ശേഷം മാനസിയ്ക്കും മറ്റു റിപ്പോർട്ടർമാർക്കും നേരേ മെട്രോയിൽ വച്ച് ഭീകരർ വെടിയുതിർക്കുന്നു എങ്കിലും കഷ്ടി‌ച്ചു രക്ഷപെടുന്നു. കൗശികും ദിയയും കുടുംബത്തെ ഓർത്തു വിഷമിക്കുന്നു. പരിക്കുകളോടെയാണ് മായാങ്കിനെ ആശുപത്രിയിലെത്തിച്ചത്. സുജാത അയാളെ പരിചരിക്കുന്നു. രണ്ട് ഭീകരർക്കൊപ്പം ഉന്നത പോലീസുകാരായ കേൽക്കറും സവർക്കറും ഗുരുതരാവസ്ഥയിലാണ്. കൗശിക് അവരെ രക്ഷിക്കാൻ ശ്രമിക്കുന്നു.

അഹാൻ തന്റെ ഭൂതകാലത്തെക്കുറി‌ച്ചു ചിത്രയോടു തുറന്നു പറയുന്നു. പരിഭ്രാന്തരായ അതിഥികളെ നേരിടാൻ അനന്യ പാടുപെടുന്നു. തന്റെ ബ്രേക്കിംഗ് ന്യൂസ് അറിയാനുള്ള ശ്രമത്തിൽ മാനസി ആശുപത്രിയിൽ എത്തുന്നു. അവളെ സഹായിക്കാൻ സമർത്ഥ് വിസമ്മതിയ്ക്കുന്നു. കൃത്യസമയത്തു പരംജീതിനന്റെ രോഗനിർണയം നടത്താൻ ചിത്രയ്ക്കു കഴിയുന്നു.

മാനസി വാർത്തയ്‌ക്കായി ദൂരയാത്ര ചെയ്യുന്നു. എടിഎസ് മേധാവി കേൽക്കറെ രക്ഷിക്കാൻ കഴിയാത്തതിന്റെ ഭവിഷ്യത്ത് കൗശിക് നേരിടുന്നു. അനന്യ അതിഥികളെ ചെറുസംഘങ്ങളായി ഒഴിപ്പിക്കുന്നു. തന്ത്രപ്രധാനമായ വാർത്തകൾ പുറത്തുവരാൻ തുടങ്ങിയതോടെ സുബ്രഹ്മണ്യവും താവ്‌ഡെയും ആശുപത്രിയിലെ വിവര‌ച്ചോർച്ച കൈകാര്യം ചെയ്യുന്നു. വാസുവിനു കുറ്റവാളിയെ അറിയാമെങ്കിലും അതു മറ്റുള്ളവരോടു പറയാൻ പാടുപെടുന്നു. ആ രാത്രി ഒരു വഴിത്തിരിവാകുന്നു.

വെടിയൊച്ചകളും കലാപവും BGH-ൽ എത്തിയതോടെ ആശുപത്രിക്കുള്ളിൽ അരാജകത്വം ഉടലെടുക്കുന്നു. താവ്‌ഡെയും സംഘവും അതു നിയന്ത്രിക്കാൻ ശ്രമിക്കുന്നു. തങ്ങൾ തനി‌ച്ചായെന്നു സുബ്രഹ്മണ്യവും കൗശിക്കും മനസ്സിലാക്കുകയും ചിത്രയുടെയും മിസിസ് ചെറിയാന്റെയും സഹായത്തോടെ രോഗികളെ ഒഴിപ്പിക്കാൻ തുടങ്ങുകയും ചെയ്യുന്നു. നിരുത്തരവാദപരമായ പത്രപ്രവർത്തനത്തിന്റെ പേരിൽ മാനസി ആശുപത്രി ജീവനക്കാരുടെ രോഷം നേരിടുന്നു.