பெப்பா பிக்

மழை பெய்துகொண்டிருக்கிறது. வெளியே போய் விளையாட முடியாததால் பெப்பா சோகமாக இருக்கிறாள். மழை நின்றவுடன் பெப்பாவும் ஜார்ஜும் அவர்களுக்கு மிகவும் பிடித்த விளையாட்டான மழைநீர் சகதியில் குதிக்கும் விளையாட்டை விளையாடுகிறார்கள். அம்மா, அப்பா பன்றிகளும் இவர்களுடன் சேர்ந்துகொண்டபோது, பொருட்கள் இன்னமும் அதிக சேறானது.

ஜார்ஜுக்கு மிகவும் பிடித்த பொம்மை மிஸ்டர் டைனோசராகும். அது தொலைந்து போனதால் ஜார்ஜு மிகவும் வேதனைப்படுகிறான். அப்பா பன்றி பெப்பாவை ஒரு துப்பறிவாளராக ஆக்குகிறார். இருவரும் சேர்ந்து மிஸ்டர், டைனோசாரைக் கண்டுபிடித்துக் கொடுத்து ஜார்ஜை பழையபடி மிகவும் மகிழ்ச்சியான பன்றிக்குட்டியாக்குகிறார்கள்.

ஒருநாள் மதியம் பெப்பாவின் வீட்டிற்கு அவளது நெருங்கிய தோழியான சுசி ஆடு விளையாட வந்தாள். பெப்பா ஜார்ஜை விளையாட்டிற்கு சேர்த்துக் கொள்ளவில்லை. அந்த விளையாட்டுகள் எல்லாம் பெரிய பிள்ளைகளுக்கானது என்றாள் பெப்பா. ஜார்ஜ் சோகமாகிவிட்டான். ஆனால், பெப்பாவும் சுசியும் மருத்துவர்-செவிலியர் விளையாட்டு விளையாடியபோது, ஜார்ஜ் மகிழ்ச்சியுடன் நோயாளியாக இருந்தான்.

பெப்பாவும், ஜார்ஜும் தங்கள் பாட்டி, தாத்தாவை பார்க்கப்போனார்கள். பாட்டி பன்றிக்கு தனது புதிய செல்லப்பிராணி குறித்து மிகவும். அது சொல்வதையெல்லாம் திரும்பவும் சொல்லக்கூடிய ஒரு கிளி ஆகும். அதன் பெயர் பாலி. பெப்பாவும் ஜார்ஜும முதலில் பாலியை பார்த்து கொஞ்சம் பயந்தார்கள். ஆனால் பிறகு பாலிக்கு பன்றிக்குட்டி போல கத்துவதற்கும், சிரிப்பதற்கும் சொல்லிக் கொடுத்தார்கள். அதைக்கேட்டு அனைவரும் சிரித்தனர்.

பெப்பாவும், ஜார்ஜும் ஒளிந்து பிடித்து விளையாடினார்கள். பெப்பா நன்றாக ஒளிந்து கொண்டாள். ஆனால் ஜார்ஜீக்கு நன்றாக ஒளியத்தெரியவில்லை என்று புகார் செய்தாள். பெப்பாவுக்கு அதற்குமேல் ஜார்ஜுடன் விளையாட பிடிக்கவில்லை. அப்பா பன்றி தான் ஜார்ஜுக்கு உதவி செய்வதாகச் சொன்னார். அதன்பின் ஜார்ஜ் பெப்பாவால் கண்டே பிடிக்க முடியாதபடி நன்றாக ஒளிந்து கொண்டான்.

ஜார்ஜ் இன்று பெப்பாவுடைய விளையாட்டுக் குழுவில் சேர்கிறான். ஜார்ஜ் வருவது பெப்பாவுக்கு பிடிக்கவே இல்லை. அது தனக்கு மட்டுமான விளையாட்டுக்குழு என்று நினைத்தாள். ஜார்ஜை பார்த்த உடனேயே பெப்பாவின் நண்பர்களுக்கு அவனை பிடித்துப் போனது. அவர்கள் அவனை 'புத்திசாலி!' என்று நினைத்தார்கள். பெப்பாவுக்கு தம்பியை நினைத்து பெருமையாக இருந்தது. அவளும் அவன் ஒரு புத்திசாலி என முடிவு செய்தாள்.அவன் அவளது புத்திசாலி தம்பி.