保鑣救殺手

威震全球的職業殺手（森姆積遜 飾演）竟然調轉槍頭，爆前老細大鑊，指證其罪行。呢個老細並唔係善男信女，而係殺人如麻的某東歐國家前總統，勢力龐大，蓄養一班僱傭兵軍隊，要將反骨殺手置諸死地！國際刑警組織負責護送殺手，由南法遠赴荷蘭海牙國際刑事法院作供，路途危機四伏，只好聘請地上最強保鑣（賴恩尼諾斯 飾演）力保殺手安全。 殺手與保鑣不但在槍口上對峙多年，性格亦南轅北轍，有你冇我！但係既然坐埋同一條船，冇人想攬炒，協議暫時放下恩怨。往後的旅程，展開一段世上最矛盾又最曖昧的關係…