古魯家族2：霸器新時代

夢工場《史力加》《荒失失奇兵》爆笑班底炮製《古魯家族》，有尼古拉斯.基治、愛瑪.史東、賴恩.雷諾士加持啜核聲演，成為觀眾驚喜萬分、口碑滿瀉嘅喜劇盛事，全球狂收75億港幣票房之外，更被提名奧斯卡最佳動畫！更開心更過癮嘅續集《古魯家族2：霸器新時代》(THE CROODS: A NEW AGE) ，由環球影業霸氣發行，千呼萬喚下再次「喜」勢出動！ 上回話說古魯一家六口，從隱居洞穴到見證大世界嘅生活鉅變，最終明白到一家人齊上齊落先係最重要！呢班生番今集豁出去同舊世界講拜拜，出穴後先發現，一直認知嘅未來早已唔同晒！佢哋受到「霸器家族」最強挑機，日日精彩鑊鑊新鮮；衆人明白到，改頭換代嘅新世紀即將來臨，唔肯變，就好易係咁先！