എക്‌സാം

പഠനത്തിൽ മിടുക്കനായ തൻ്റെ മകൻ സർക്കാർ ഉദ്യോഗസ്ഥനാവുമെന്ന് ഒരു പാവം മത്സ്യത്തൊഴിലാളി സ്വപ്നം കാണുന്നു. കടുത്ത മത്സരമുള്ള ആർപിഎസ്ഇ പരീക്ഷയ്ക്ക് ഒരാഴ്ച മുമ്പ് ഡിഎസ്പി മരമല്ലിക്ക് തൈക്കാര പോലീസ് സ്‌റ്റേഷനിലേക്ക് സ്ഥലം മാറ്റം കിട്ടുന്നു. ഝാൻസിയുടെ അപകടകരമായ ഒരു നീക്കം മരമല്ലിയെ നിസ്സഹായയാക്കുന്നു. ആശങ്കയോടെ ഝാൻസി ഡിഎസ്പിയായി ചുമതലയേൽക്കുന്നു. യാഥാർഥ്യത്തിനു മുന്നിൽ അവളുടെ കള്ളത്തരം നിലനിൽക്കുമോ?

മത്സ്യത്തൊഴിലാളിയായ അമ്മ മരിച്ച ദുഃഖത്തിലൂടെ കടന്നുപോവുന്ന മകൻ, ഒരു പണക്കാരിയായ സ്ത്രീ തൻ്റെ മകന് എങ്ങനെ സർക്കാർ ജോലി കിട്ടിയെന്ന് വെളിപ്പെടുത്തുമ്പോൾ നിരാശനാവുന്നു. തൈക്കാരയിൽ ജയചന്ദ്രൻ്റെ നിർദ്ദേശപ്രകാരം ഝാൻസി ആർപിഎസ്ഇ പരിശീലന കേന്ദ്രങ്ങളെക്കുറിച്ച് അന്വേഷണം തുടങ്ങുന്നു. മരമല്ലിയുടെ നിശബ്ദ പോരാട്ടം തുടരുന്നു. ക്ഷണിക്കപ്പെടാത്ത അതിഥികൾ സ്റ്റേഷനിൽ എത്തുമ്പോൾ ഝാൻസിയുടെ മുഖംമൂടി അഴിഞ്ഞുവീഴുമോ?

പ്രതീക്ഷകൾ തകർന്നുവെങ്കിലും, കുശാഗ്രബുദ്ധിയോടെ പുതിയ ജോലി കണ്ടെത്താൻ മത്സ്യത്തൊഴിലാളിയുടെ മകൻ ശാന്തിയമ്മയുടെ സഹായം തേടുന്നു. മരമല്ലി ഒരു രഹസ്യ ഓപ്പറേഷനിലാണെന്നും ശല്യപ്പെടുത്തരുതെന്നും ഝാൻസി അവളുടെ അമ്മയെ വിശ്വസിപ്പിക്കുന്നു. തിരിമറിയുടെ ചുരുളഴിക്കാൻ ഝാൻസി അക്രമത്തിൻ്റെ വഴി തിരഞ്ഞെടുക്കുന്നു. മരമല്ലി തന്ത്രപൂർവ്വം രക്ഷപ്പെടാൻ ഒരു ശ്രമം നടത്തുന്നു. ഝാൻസിയുടെ ആൾമാറാട്ടത്തിന് ഇതോടെ അവസാനമാവുമോ?

ഒരു ആർപിഎസ്ഇ കോച്ചിംഗ് സെൻ്ററിനടുത്ത് പുതിയ ജോലിയിൽ പ്രവേശിക്കുമ്പോൾ മത്സ്യത്തൊഴിലാളിയുടെ മകൻ്റെ ജീവിതം മാറിമറിയുന്നു. ഭാവിയിൽ നടക്കാൻ പോവുന്ന സംഭവങ്ങളെപ്പറ്റി അജ്ഞരായ ചെറുപ്പക്കാരികളായ ഝാൻസിയും മരമല്ലിയും ആർപിഎസ്ഇ പരീക്ഷ എഴുതുന്നു. ഝാൻസിയുടെ ജീവിതം വലിയ തകർച്ചയിലേക്ക് കൂപ്പുകുത്തുന്നു. ജയിലർ ജയചന്ദ്രൻ അവളെ സംരക്ഷിക്കുന്നു.

മത്സ്യത്തൊഴിലാളിയുടെ മകൻ്റെ ലക്ഷ്യങ്ങൾ അയാളെ പ്രബലനായ ഒരാളുടെ ശത്രുവാക്കുന്നു, അയാൾ സ്വന്തം വഴി വെട്ടിത്തെളിക്കുന്നു. ആർപിഎസ്ഇ കേന്ദ്രത്തിലെ ദുരൂഹ മരണത്തെക്കുറിച്ചുള്ള അന്വേഷണം ജയചന്ദ്രൻ ഊർജ്ജിതമാക്കുന്നു. തട്ടിപ്പുകാരിലേക്ക് അടുക്കാൻ ഝാൻസി മറ്റൊരു തന്ത്രം പ്രയോഗിക്കുന്നു. അപ്രതീക്ഷിതമായ ഒരാളുടെ ഇടപെടൽ അവളെ ഞെട്ടിക്കുന്നു. ഒരു ഫോൺ കോൾ ഝാൻസിയെ മാനസികമായി തളർത്തുന്നു.

ഉന്നതരുമായുള്ള ബന്ധങ്ങൾ വെളിപ്പെടുത്തിക്കൊണ്ട് കുമരേശൻ്റെ ഭൂതകാല രഹസ്യങ്ങൾ പുറത്തുവരുന്നു. തട്ടിപ്പുകാരെ കണ്ടുപിടിച്ചെന്നു വിശ്വസിച്ച് ഝാൻസിയുടെ സംഘം അവർക്കായി വലിയൊരു കെണിയൊരുക്കുന്നു. എന്നാൽ അപ്രതീക്ഷിതമായൊരു വ്യക്തിയിൽനിന്ന് യഥാർത്ഥ ഭീഷണി ഉയർന്നുവരുന്നു. രക്ഷപ്പെടാനായി ഝാൻസിയും മരമല്ലിയും താല്പര്യമില്ലാതെയാണെങ്കിലും ഒരുമിച്ചു പോരാടാൻ നിർബന്ധിതരാവുന്നു.